Azərbaycan Milli Elmlər Akademiyası

Beynəlxalq Türk Akademiyasının prezidenti akademik Şahin Mustafayev və Qazaxıstan Respublikası Milli Muzeyinin direktoru Berik Abdıqaliuli arasında görüş keçirilib.

Görüş zamanı tərəflər Türk dünyasının tarixi-mədəni irsinin tədqiqi və populyarlaşdırılmasına yönəlmiş birgə layihələrin həyata keçirilməsi perspektivlərini müzakirə ediblər. Elmi əməkdaşlığı gücləndirəcək, türk xalqlarının mədəni irsinin daha geniş şəkildə təqdim olunmasına kömək edəcək tədbirlərin planlarına xüsusi diqqət yetirilib.

Sonda Şahin Mustafayev Akademiya tərəfindən hazırlanmış nəşrlər toplusunu Qazaxıstan Milli Muzeyinə hədiyyə edib. B.Abdıqaliulu isə öz növbəsində muzeyin kolleksiyalarından qiymətli nəşrləri təqdim edib.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.