Azərbaycan Milli Elmlər Akademiyası

Azərbaycanlı professor, Əməkdar elm xadimi, Prezidentin fərdi təqaüdçüsü, “Şöhrət” ordeni laureatı Vaqif Şadlinski Rusiya Elmlər Akademiyasının prezidenti akademik Gennadi Krasnikov tərəfindən Fəxri fərmanla təltif olunub.

O, Rusiyanın elmi təşkilatları ilə səmərəli əməkdaşlığına, tibb elminin inkişafına verdiyi əhəmiyyətli töhfələrə və 85 illik yubileyinə görə mükafatlandırılıb.

Qeyd edək ki, Vaqif Bilas oğlu Şadlinski 1940-cı ilin yanvar ayının 24-də anadan olub. O, 600-dən artıq elmi əsərin, o cümlədən 18 monoqrafiyanın, 46 dərsliyin, 23 tədris-metodik vəsaitin, “İnsan anatomiyası üzrə Atlas”ın, Azərbaycan, rus, ingilis və latın dillərində “Anatomik terminologiya”nın müəllifidir.

Vaqif Şadlinski 2004-cü ildə Rusiya Tibb Elmləri Akademiyasının, 2009-cu ildə Türk Dünyası Araşdırmaları Beynəlxalq Elmlər Akademiyasının akademiki, 2014-cü ildə isə Rusiya Elmlər Akademiyasının xarici üzvü seçilib.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.