Azərbaycan Milli Elmlər Akademiyası

Azərbaycanın ilk veb saytı (1995)

ANA SƏHİFƏ  >>  XƏBƏRLƏR  >>  NƏŞRLƏR

“Molla Nəsrəddin” jurnalı və Naxçıvan (1906-1917)” kitabının I cildi nəşr olunub
03.04.2025 15:52
  • A-
  • A
  • A+

“Molla Nəsrəddin” jurnalı və Naxçıvan (1906-1917)” kitabının I cildi nəşr olunub

Azərbaycan Milli Elmlər Akademiyasının Məhəmməd Füzuli adına Əlyazmalar İnstitutunun Elmi şurasının qərarı ilə ““Molla Nəsrəddin” jurnalı və Naxçıvan (1906-1917)” ikicildliyinin I cildi işıq üzü görüb.

Kitabın baş elmi məsləhətçisi və ön sözün müəllifi akademik Teymur Kərimlidir.

Azərbaycanın ilk satirik jurnalı olan “Molla Nəsrəddin” (1906-1931) bir zamanlar bütün bölgələrimizlə yanaşı, Naxçıvanda da mövcud olmuş dini mövhumat və xurafat elementlərinin, təhsilə biganə münasibətin və s. tənqidinə xüsusi yer ayırırdı. Jurnal satirik üslubla bu cür cəhalət və gerilik hallarını, bir sıra sosial bəlaları ictimai diqqətə çatdırır, insanların öz nöqsanlarını dərk etməsi, maariflənməsi üçün çalışırdı.

Kitabın I cildinə “Molla Nəsrəddin” jurnalının 1906-1917-ci illərdə işıq üzü görən nömrələrinin Naxçıvanla bağlı materialları və karikaturaları daxil edilib.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.

  • Paylaş: