Azərbaycan Milli Elmlər Akademiyası

Azərbaycanın ilk veb saytı (1995)

ANA SƏHİFƏ  >>  XƏBƏRLƏR  >>  NƏŞRLƏR

“Elm” qəzetinin növbəti sayı işıq üzü görüb
04.04.2025 11:55
  • A-
  • A
  • A+

“Elm” qəzetinin növbəti sayı işıq üzü görüb

AMEA-nın Rəyasət Heyətinin həftəlik mətbu orqanı olan “Elm” qəzetinin aprel ayında ilk sayı çapdan çıxıb.

Qəzetin ön səhifəsində “Azərbaycan-Almaniya əlaqələrində yeni səhifə” başlıqlı icmal yer alıb.

Bugünkü sayın ilk səhifələrində Prezident İlham Əliyevin AMEA-nın 80 illiyi ilə bağlı Sərəncamının icrasından irəli gələrək qarşıda duran vəzifələrə həsr olunan AMEA-nın Rəyasət Heyətinin xüsusi iclasına dair yazı, AMEA-nın prezidenti akademik İsa Həbibbəylinin Akademiya əməkdaşlarına təbrikləri, eləcə də əlamətdar günlərlə dair tədbirlərlə bağlı indormasiyalar dərc edilib.

Bundan əlavə, qəzetin səhifələrində dahi Nizami Gəncəvinin vəfatının 816-cı ildönümü münasibətilə beynəlxalq onlayn konfrans, “Azərbaycan-Çin strateji tərəfdaşlığı: Qlobal Cənubda konsolidasiya və əməkdaşlığın təşviqi” adlı konfrans və “Aşıq sənətində milli-mənəvi dəyərlər” mövzusunda beynəlxalq elmi konfrans geniş işıqlandırılıb.

Qəzetin bugünkü buraxılışında AMEA-nın 80 illiyi və “Elm” gününə həsr olunan “Azərbaycanın elm məbədi” və “Azərbaycanda elmi ədəbiyyatın nəşr tarixi” adlı tədbirlərə dair yazılar, AMEA-nın Z.M.Bünyadov adına Şərqşünaslıq İnstitutunun Şərqşünaslıq elminin tarixi və nəzəriyyəsi şöbəsinin müdiri, fəlsəfə elmləri doktoru, professor Roida Rzayeva ilə müsahibə, ümumilikdə həftə ərzində keçirilən digər tədbirlər və yeni nəşrlər barədə ətraflı informasiyalar təqdim edilib.

Qəzetin rus və ingilis dili bölmələrində AMEA-nın Rəyasət Heyətinin xüsusi iclasına dair icmal, müsahibə, eləcə də aktual mövzuda tədbirlərlə bağlı yazılar oxucuların ixtiyarına verilib.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.

  • Paylaş: