Azərbaycan Milli Elmlər Akademiyası

ETN akademik M.Nağıyev adına Kataliz və Qeyri-üzvi Kimya İnstitutunun 9 saylı laboratoriyasının aparıcı elmi işçisi k.ü.f.d., dosent Sevda Fətullayeva dünyanın nüfuzlu nəşriyyatlardan biri sayılan “Elsevier”in nəşri olan “International Journal of Biological Macromolecules” jurnalının redaksiya heyəti tərəfindən beynəlxalq rəyçi sertifikatına layiq görülüb.  

Qeyd etmək lazımdır ki, “International Journal of Biological Macromolecules” jurnalı “Web of Science”, “Scopus” bazalarına daxildir. Burada bioüzvi kimya, polimer kimyası sahələrində aparılan fundamental nəzəri və tətbiqi elmi tədqiqatlarla bağlı nüfüzlü məqalələr dərc olunur. Bu, bütün təbii makromolekulların kimyəvi və bioloji aspektlərinə həsr olunmuş fundamental beynəlxalq tədqiqat jurnalıdır.

Sertifikat 2024-cü ilin oktyabrından 2025-ci ilin aprel ayına qədər təklif olunan 11 işə verdiyi rəylərə əsasən təqdim olunmuşdur.

Jurnalın elmmetrik göstəriciləri: Kvartil = Q1, İmpakt Faktor = 7.7 və CiteScore = 13.7-dir.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.