Azərbaycan Milli Elmlər Akademiyası

Daşkənd İqtisadi və Pedaqoji Universitetinin prorektoru, filologiya elmləri doktoru, professor Marufjon Yuldaşev AMEA-nın akademik Ziya Bünyadov adına Şərqşünaslıq İnstitutunda olub.

Professor M.Yuldaşev AMEA-nın vitse-prezidenti v.i.e., Şərqşünaslıq İnstitutunun direktoru akademik Gövhər Baxşəliyeva ilə görüşüb.

Şərqşünaslıq İnstitutunun elmi istiqamətləri, fəaliyyəti, nəşrləri barədə danışan akademik Gövhər Baxşəliyeva institutda Özbəkistanla da bağlı tədqiqatların aparıldığını, kitabların nəşr edildiyini, məqalələrin yazıldığını, konfranslarda məruzələrin edildiyini vurğulayıb.

Professor M.Yuldaşev Daşkənd İqtisadi və Pedaqoji Universitetin fəaliyyəti barədə məlumat verib.

Görüşdə müəssisələr arasında qarşılıqlı elmi əlaqələrin yaradılmasının və bu əsasda birgə tədqiqatlar aparılmasının, alimlərin qarşılıqlı elmi səfərlərinin təşkilinin hər iki tərəfə böyük fayda verəcəyi bildirib.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.