Azərbaycan Milli Elmlər Akademiyası

Aprelin 24-də Türkiyənin paytaxtı Ankara şəhərində Azərbaycan Diasporuna Dəstək Fondu və Qazi Universitetinin dəstəyi və Kərkük Kültür Dərnəyinin təşkilatçılığı ilə “Milli kimlik və soydaşlıq irsi” mövzusunda beynəlxalq elmi konfrans keçirilib.

Konfransda AMEA-nın Nizami Gəncəvi adına Ədəbiyyat İnstitutunun böyük elmi işçisi filologiya üzrə fəlsəfə doktoru Orxan İsayev də iştirak edib. Türkmanşünas alim açılış panelində “Azərbaycanda türkman milli kimliyi və onun tarixi səciyyəsi” adlı məruzə ilə çıxış edib.

Qeyd edək ki, elmi konfransda Azərbaycan və Türkiyə alimləri ilə yanaşı, İraq, Suriya və Livandan türkman nümayəndə heyətləri də iştirak edib.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.