Azerbaijan National Academy of Science

Bu gün Birləşmiş Ərəb Əmirliklərinin Azərbaycan Respublikasındakı Səfirliyi, AMEA-nın Hüquq və İnsan Haqları İnstitutu, Ailə, Qadın və Uşaq Problemləri üzrə Dövlət Komitəsi, Azərbaycan Respublikası Milli Məclisinin Beynəlxalq əlaqələr şöbəsi və Azərbaycan Əlil Qadınlar Cəmiyyətinin birgə təşkilatçılığı ilə onlayn konfrans keçirilib.

Tədbir “Birləşmiş Ərəb Əmirliklərində gender bərabərliyi və qadın hüquqlarının genişləndirilməsi” mövzusuna həsr olunub.

Onlayn konfransda Hüquq və İnsan Haqları İnstitutunu qurumun elmi işlər üzrə direktor müavini, professor Lalə Əhmədova təmsil edib.

L.Əhmədova tədbirdə “Azərbaycan gender siyasətinin prioritetlərini dəstəkləyir” mövzusunda məruzə ilə çıxış edib.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.