Azərbaycan Milli Elmlər Akademiyası

AMEA-nın İqtisadiyyat İnstitutunun Həyat səviyyəsinin sosial-iqtisadi problemləri şöbəsinin müdiri, i.f.d., dosent Rəsmiyyə Abdullayeva Türkiyə Aydın Adnan Menderes Universitetinin Malta Universiteti ilə birlikdə keçirdiyi II beynəlxalq Tətbiqi Sosial Elmlər Konqresində iştirak edib.

R.Abdullayeva onlayn konqresdə “Rəqəmsallaşmanın sosial faydaları” mövzusunda məruzə ilə çıxış edib.

Qeyd edək ki, hər il keçirilən konqresdə 30 ölkənin (Azərbaycan, Türkiyə, Gürcüstan, ABŞ, Hindistan, Pakistan, İran, Xorvatiya, Rumıniya və s.) elm adamları təmsil olunur.

Konqres öz işini oktyabrın 9-da başa vuracaq.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.