Azərbaycan Milli Elmlər Akademiyası

Azərbaycanın ilk veb saytı (1995)

ANA SƏHİFƏ  >>  XƏBƏRLƏR  >>  KONFRANSLAR, İCLASLAR

24.05.2022 10:44
  • A-
  • A
  • A+

Azərbaycan Botaniklər Cəmiyyəti İctimai Birliyinin ümumi yığıncağı keçirilib

Azərbaycan Botaniklər Cəmiyyəti İctimai Birliyinin ümumi yığıncağı keçirilib

AMEA-nın Botanika İnstitutunda Azərbaycan Botaniklər Cəmiyyəti İctimai Birliyinin ümumi yığıncağı keçirilib.

“Zoom” platforması üzərindən keçirilən iclasda Azərbaycan Botaniklər Cəmiyyətinin idarə heyətinin üzvləri iştirak ediblər.

Tədbiri cəmiyyətin sədr müavini, akademik Tariyel Talıbov açaraq iştirakçıları gündəlikdə duran məsələlərlə tanış edib.

Sonra qurumun məsul katibi, b.e.d. Dilzarə Ağayeva cəmiyyətin 3 illik hesabatını təqdim edib.

Maliyyə məsələləri ilə bağlı məlumatları isə b.e.d. Naibə Mehdiyeva iştirakçılara çatdırıb.

Yığıncaqda cəmiyyətin idarə heyətinin yenidən seçilməsi, rəsmi internet səhifəsinin bərpası (botanysociety.com.az), loqosu və çap işlərinin formatına dair geniş müzakirələr aparılıb. İctimai birliyin üzvləri AMEA-nın müxbir üzvü Vaqif Novruzov, b.e.d., prof. Səyyarə İbadullayeva, b.e.d., prof. Eldar Novruzov, b.e.d. Aydın Əsgərov və başqaları cəmiyyətin gələcək fəaliyyətinə dair təklif və tövsiyələrlə çıxış ediblər.

İclasda səsvermə yolu ilə ictimai birliyin sədri Botanika İnstitutunun icraçı direktoru, b.e.d. Şakir Qasımov, məsul katibi b.ü.f.d. Nuri Mövsümova seçilib. Maliyyə məsələləri isə b.ü.f.d. Gülnar Qasımovaya həvalə edilib.

Sonda gündəlikdə duran məsələlər səsə qoyularaq yekdilliklə qəbul olunub.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.

  • Paylaş: