Azərbaycan Milli Elmlər Akademiyası

AMEA-nın Milli Azərbaycan Tarixi Muzeyinin Vətən müharibəsi fondunda Vətən Müharibəsi Qəhrəmanı, şəhid Camal İsmayılova məxsus hərbi geyimlər (hərbi şalvar, kitel, kəmər, əlcək, hərbi çəkmə, beret, cib fənəri, dağ üçün tros, yapışqanlı qaytan və qobur) qorunur. Həmin materiallar arasında şəhid Camal İsmayılovun 2012-2017-ci illərdə aldığı 5 Fəxri fərman, 6 medalının vəsiqəsinin surəti, 11 sertifikat, 4 ədəd təlimdə çəkilmiş fotoşəkli də yer alır.

Camal İsmayılov 1984-cü ildə Neftçala rayonunda anadan olub. 2016-cı il Aprel döyüşlərində iştirak etmiş Camal İsmayılov 44 günlük Vətən müharibəsi zamanı Xüsusi Təyinatlı Qüvvələrin tərkibində Füzuli, Cəbrayıl, Xocavənd və Qubadlının azadlığı uğrunda gedən döyüşlərdə fədakarlıq və qəhrəmanlıq nümunəsi göstərib. O, Qubadlının azadlığı uğrunda döyüşlərdə şəhidlik zirvəsinə ucalıb.

Camal İsmayılov Vətən Müharibəsi Qəhrəmanı adına layiq görülüb, “Vətən uğrunda”, “Cəbrayılın azad olunmasına görə”, “Füzulinin azad olunmasına görə”, “Xocavəndin azad olunmasına görə” medalları ilə təltif olunub.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.