Azərbaycan Milli Elmlər Akademiyası

AR Elm və Təhsil Nazirliyinin Neft və Qaz İnstitutunun Elmi şurasının iclası keçirilib.

İclasa sədrlik edən institutun baş direktoru, akademik Fəxrəddin Qədirov gündəlikdə duran elmi-təşkilati məsələlər ilə Şura üzvlərini tanış edib.

Sonra akademik Fəxrəddin Qədirov Ulu Öndər Heydər Əliyevin 100 illik yubileyi ilə əlaqədar 2023-cü ildə beynəlxalq konfransın keçirilməsi haqqında məlumat verib.

Gündəlikdə qeyd olunan məsələlər arasında 2022-ci ildə başa çatan “Ehtiyatı çətin çıxarılan neft yataqlarına dispers sistemlərlə təsir zamanı yaranan fiziki-kimyəvi və hidrotermodinamiki proseslərin tədqiqi” elmi tədqiqat işi üzrə yekun hesabatın müzakirəsi barədə AMEA-nın müxbir üzvü Qərib Calalov çıxış edib.

İclasda Neft və Qaz İnstitutunun şöbələrinin 2022-ci ilin elmi-təşkilati fəaliyyəti haqqında hesabatları dinlənilib. Lay sistemlərinin hidroqazdinamikası şöbəsinin hesabatını AMEA-nın müxbir üzvü Qərib Calalov, Müasir qazmanın nəzəri və tətbiqi problemləri və Neft-qaz texnologiyalarının geoloji əsasları şöbələrinin, eləcə də “Геологические основы нефтегазовых технологий” dərs vəsaitlərinin nəşr edilməsi haqqında AMEA-nın müxbir üzvü Qalib Əfəndiyev çıxış ediblər.

Sonra institutun Təhsil şöbəsinin müdiri Arif Hüseynov 2022-ci ildə qəbul olmuş magistratura, doktorantura və dissertantura qəbulu üzrə hesabatı təqdim edib.

Daha sonra institutun Beynəlxalq əlaqələr şöbəsinin müdiri, y.e.f.d. Aytən Hüseynova 2022-ci ildə təşkil olunan tədbirlər və tədbirlərdə iştirak, yay məktəbi, uzun müddətli təcrübələr, açıq çağırışlar və ekspert bazalar haqqında məlumat verib.

Sonda bir sıra cari məsələlərə baxılıb.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.