Azərbaycan Milli Elmlər Akademiyası

Türkiyənin İstanbul şəhərində Beynəlxalq Səs və Audiovizual Arxivlər Assosiasiyasının və Beynəlxalq Ənənəvi Musiqi və Rəqs üzrə Şurasının “Türk dünyası musiqisi” elmi qrupunun birgə elmi forumu keçirilib.

İstanbul Universitetində keçirilən tədbirdə AMEA-nın Memarlıq və İncəsənət İnstitutunun Musiqi folkloru şöbəsinin aparıcı elmi işçisi, sənətşünaslıq üzrə fəlsəfə doktoru, dosent Sənubər Bağırova iştirak edib.

S.Bağırova “Azərbaycanda ənənəvi musiqinin audiovizual irsinin toplanmasının keçmişi və bu günü” mövzusunda məruzəsində XX əsrin əvvəllərindən bu günə kimi Azərbaycanda musiqi irsinin toplanması məsələlərinə toxunub.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.