Azərbaycan Milli Elmlər Akademiyası

Elm və Təhsil Nazirliyinin akademik H.Əliyev adına Coğrafiya İnstitutunda Azərbaycan Gənc Müəllimlər Assosiasiyası (AGMA) daxilində Gənc Coğrafiya Müəllimləri Birliyi (GCMB) QHT idarə heyətinin sədri, AGMA idarə heyətinin üzvü Samirə Paşazadənin iştirakı ilə istehsalat təcrübəsi keçən tələbələr üçün təlim  təşkil edilib.

Qurum haqqında iştirakçılara məlumat verən Samirə Paşazadə bildirib ki, Gənc Coğrafiya Müəllimləri Birliyinin əsas məqsədi coğrafiya müəllimlərinin birlik əsasında peşəkar səviyyəsinin artırılması, inteqrativliyin təmin olunması, layihələrə cəlb olunaraq təkmilləşdirilməsi və coğrafiya sahəsində gedən yeniliklərlə maarifləndirməyə dəstək verməkdir. Birlik eyni zamanda müvafiq milli “yaşıl artım” platformasının yaradılması və bu platforma vasitəsilə milli “yaşıl artım” forumunun təşkili imkanlarını da nəzərdən keçirir.

Tədbirdə Coğrafiya İnstitutunun icraçı direktoru dosent Zaur İmrani, Təhsil şöbəsinin müdiri dosent Müseyib Yunisov, BDU-nun müəllimi İrkən Rakçiyeva və digərləri iştirak ediblər.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.