Azərbaycan Milli Elmlər Akademiyası

AMEA-nın Qafqazşünaslıq İnstitutunun Həmkarlar Təşkilatının hesabat-seçki iclası keçirilib.

Tədbirdə AMEA Azad Həmkarlar İttifaqının sədri siyasi elmlər üzrə fəlsəfə doktoru, dosent Sənan Həsənov və institut əməkdaşları iştirak ediblər.

İclası institutun elmi işlər üzrə direktor müavini siyasi elmlər doktoru, dosent Ramilə Dadaşova açıb. İclasın sədri institutunun elmi katibi, psixologiya üzrə fəlsəfə doktoru, dosent Südabə Hüseynova İnstitutunun Həmkarlar Təşkilatının fəaliyyətinin əməkdaşların əmək hüquqlarının müdafiəsinin təmin edilməsində mühüm rol oynadığını vurğulayıb.

İclasda Qafqazşünaslıq İnstitutu Həmkarlar Təşkilatının son 3 illik fəaliyyətinin hesabatı dinlənilib. Sədr Yeganə Baxşıyevanın təqdim etdiyi hesabat qənaətbəxş hesab olunub. İnstitutun Həmkarlar Təşkilatının Təftiş komissiyasının sədri Günel Qurbanovanın 2021-2024-cü illər üzrə maliyyə fəaliyyəti haqqında hesabatı qəbul edilib.

Hesabat ətrafında Şimali Qafqaz şöbəsinin müdiri f.ü.f.d., dosent Vahid Ömərov çıxış edib. Sonra açıq səsvermə yolu ilə Qafqazşünaslıq İnstitutu Həmkarlar Təşkilatına yeni sədr və komitə üzvləri seçilib. Yeganə Baxşıyeva yenidən Həmkarlar Təşkilatının sədri və komitə üzvləri yekdilliklə seçiliblər.

Sonda AMEA Azad Həmkarlar İttifaqının sədri siyasi elmlər üzrə fəlsəfə doktoru, dosent Sənan Həsənov çıxış edərək institut əməkdaşlarına fəaliyyətlərində uğurlar arzulayıb.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.