Azərbaycan Milli Elmlər Akademiyası

AMEA-nın Fəlsəfə və Sosiologiya İnstitutunun şöbə müdiri siyasi elmlər üzrə fəlsəfə doktoru, dosent Günel Məlikli “Bakinski raboçi” qəzetinə müsahibə verib.

“В созвездии науки” sərlövhəli müsahibədə gənc alim Ali Baş Komandan İlham Əliyevin misilsiz fəaliyyətindən, Prezident İlham Əliyevin dördüncü və beşinci sənaye inqilablarına töhfə verən yaşıl enerji və iqtisadi layihələrin inkişaf etdirilməsinin vacibliyini vurğulamasından danışıb. Həmçinin Azərbaycan ilə Rusiya arasında dostluq və əməkdaşlıq ənənələrinə əsaslanan əlaqələr və ölkələrimizin sosial-iqtisadi və mədəni inkişafında mühüm rol oynamasından, diplomatik münasibətlər qurulandan indiyədək iki ölkə arasında dərin inteqrasiya və qarşılıqlı anlaşmadan xəbər verən 200-dən çox ikitərəfli sənəd imzalanmasından bəhs edib.

Son illər ölkələrimiz arasında ikitərəfli əlaqələrin xeyli möhkəmləndiyini və bunun Rusiya prezidenti Vladimir Putinin Azərbaycana dövlət səfəri zamanı təsdiqləndiyini bildirib. G.Məlikli Rusiya Elmlər Akademiyasının fəaliyyəti və Fəlsəfə və Sosiologiya İnstitutunda Sosial psixologiya şöbəsinin fəaliyyətindən, kitablarından, məqalələrindən, Bakı Dövlət Universitetindəki fəaliyyətindən bəhs edib.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.