Azərbaycan Milli Elmlər Akademiyası

AMEA-nın Rəyasət Heyətinin həftəlik mətbu orqanı olan “Elm” qəzetinin noyabr ayında sonuncu sayı çapdan çıxıb.

Qəzetin ön səhifəsində AMEA-nın prezidenti akademik İsa Həbibbəylinin “Heydər Əliyevin akademiklik seçkisi və Akademiyanın dövlətçilik dərsləri” başlıqlı məqaləsi yer alıb.

Bugünkü sayda, ilk səhifələrdə AMEA rəhbərliyinin akademik Gövhər Baxşəliyevanı 70 illik yubileyi münasibətilə təbriki, yeniləşən Akademiyanın yeni inkişaf konsepsiyası və yol xəritəsinin Rəyasət Heyətində müzakirəsinə dair yazı və AMEA-nın prezidenti akademik İsa Həbibbəylinin iştirakı ilə keçirilən tədbirlər haqqında informasiyalar təqdim edilib.

Qəzetdə AMEA-nın institutlarında və təşkilatlarda, eyni zamanda Akademiyanın regional bölmələrində və elmi mərkəzlərində keçirilən tədbirlərlə bağlı xəbərlər dərc edilib.

Bundan əlavə, qəzetin bugünkü buraxılışında “İlin elmi yekunları”, “COP29” və “Yeni elmi nəşrlər” rubrikaları altında informasiya və məqalələr təqdim olunub.

Qəzetin rus və ingilis dili bölməsində AMEA prezidenti akademik İsa Həbibbəylinin iştirakı etdiyi tədbirlərlə bağlı yazılar, AMEA-nın vitse-prezidenti akademik İbrahim Quliyevin “Mагистральный путь - сопряженное развитие” adlı məqaləsi, digər məqalələr və son elmi yeniliklərə dair informasiyalar yer alıb.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.