Azərbaycan Milli Elmlər Akademiyası

Elm və Təhsil Nazirliyinin Dendrologiya İnstitutunun yeni məkanında Şərq küçəsi 29-da ağacəkmə aksiyası keçirilib.

Tədbirdə institutun şöbə və laboratoriya əməkdaşları iştirak edib. Aksiyada 100 - dən çox müxtəlif növ və formada qızılgül kolları, 30 ədəd lavanda, 150 - dən çox eldar şamı, sərv, tuya, zeytun, nar ağacları əkilib, abadlıq işləri aparılaraq ağacların dibi yumşaldılıb, yaşıllıqlara aqrotexniki qulluq göstərilib. Aksiyanın keçirilməsində məqsəd institutun ərazisini yaşıllaşdırmaqla bərabər ekoloji tarazlığın bərpasına, ətraf mühitin qorunmasına kömək etmək, atmosferi oksigenlə zənginləşdirmək, ictimaiyyətin diqqətini yaşıllıqların qorunmasına yönəltməkdir.

Dendrologiya İnstitutu bu cür ekoloji aksiyaların mütəmadi olaraq təşkili ilə ətraf mühitin mühafizəsinin vacibliyini insanların, xüsusilə, gənc nəslin diqqətinə çatdırır və onları ekoloji problemlərə qarşı mübarizədə birgə fəaliyyətə səsləyir.

Qeyd edək ki, Dendrologiya İnstitutu müxtəlif ərazilərdə quraqlığa davamlı və yerli iqlimə uyğun dekorativ çoxillik ağac-kol bitkilərinin əkilməsi işlərini həyata keçirir.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.