Azərbaycan Milli Elmlər Akademiyası

AMEA-nın Məhəmməd Füzuli adına Əlyazmalar İnstitutunun Elmi şurasının qərarı ilə Şəxsi arxivlərin tədqiqi şöbəsinin elmi işçisi, Azərbaycan Yazıçılar Birliyinin üzvü Xanımbacı Məlikzadənin (Xanım Mehdixanlı) transfoneliterasiya edərək nəşrə hazırladığı “Rza Zaki Lətifbəyov. Seçilmiş əsərləri” kitabı işıq üzü görüb. X.Məlikzadə tərtib etdiyi kitaba geniş ön söz yazaraq, lüğət əlavə edib.

Kitabda XX əsrin əvvəllərində yaşamış pedaqoq, yazıçı, dramaturq Rza Zəki Lətifbəyovun ötən əsrin əvvəllərində əski əlifba ilə çap olunmuş və indiyə qədər latın əlifbasına çevrilməmiş “Zavallı Cavad”, “Nakam qız”, “Oxuyun, qızlarım”, “Bədbəxt gəlin”, “Haqq yerini tapar”, “Sultan Əbdülhəmidin xəli” və “Mənzumeyi-hicran” adlı əsərləri yer alıb.

Qeyd edək ki, yeni nəşrin baş məsləhətçisi akademik Teymur Kərimli, elmi redaktoru fil.ü.f.d. Samirə Əliyeva, rəyçisi fil.ü.f.d. Sevinc Bayramova, redaktoru Vüsalə Nuriyevadır.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.