Azərbaycan Milli Elmlər Akademiyası

Elm və Təhsil Nazirliyinin Fizika İnstitutunun Elmi şurasında akademik Cavad Abdinovun 85 illik yubileyinə həsr olunmuş elmi sessiya keçirilib.

Elmi sesiyanı giriş sözü ilə institutun baş direktoru, akademik Arif Həşimov açıb. O, uzun illər akademik Cavad Abdinovun Fizika İnstitutunda çalışdığını qeyd edib. Ölkəmizdə fizika elminin müvafiq sahələrinin inkişafına onun verdiyi töhfələrdən danışıb.

AMEA-nın müxbir üzvü Səlimə Mehdiyeva tədbir iştirakçıların akademik Cavad Abdinovun həyat və elmi fəaliyyəti haqda ətraflı məlumat verbi və xatirələrini bölüşüb.

Elmi sessiyada fizika-riyaziyyat elmləri doktoru Ayaz Bayramov, Azərbaycan Dövlət İqtisad Universitetində elm və innovasiya məsələləri üzrə prorektor, professor Rövnəq Rzayev, professor Adilə Abbasova, fələsəfə doktoru, dosent Sitarə Bağırova, professor Əli Məmmədov, AMEA-nın müxbir üzvü Vəli Hüseynov, Bakı Dövlət Universitetinin “Fiziki elektronika” kafedrasının müdiri, professor Əhməd Abdinov, fəlsəfə doktoru dosent Lalə Əliyeva çıxış edib, yubiliyarı təbrik ediblər.

Sonda akademik Cavad Abdinov çıxış edərək ona göstərilən diqqətə görə Fizika İnstitutunun rəhbərliyinə və tədbirdə iştirak edənlərə minnətdarlığını bildirib.  

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.