Azərbaycan Milli Elmlər Akademiyası

AMEA-nın Məhəmməd Füzuli adına Əlyazmalar İnstitutunun Elmi şurasının qərarı ilə Türk dünyası əlyazmalarının tədqiqi şöbəsinin böyük elmi işçisi Tahirə Əliyevanın transfoneliterasiya edərək nəşrə hazırladığı “Bursalı Məhəmməd Tahir bin Rüfət. Türklərin ülum və fünuna xidmətləri” kitabı çap olunub.

Kitabda yer alan geniş “Ön söz”ün müəllifi də Tahirə Əliyevadır.

Məhəmməd Tahir bin Rüfətin “Türklərin ülum və fünuna xidmətləri” adlı əsərində ərəb və fars dillərində yazan bir çox məşhur İslam alim və mütəfəkkirlərinin milliyyətcə türk olduğu qeyd edilir. Əsərdə türklərdən yetişən fiqh, təbabət, riyaziyyat, astronomiya və digər elm sahələrinə aid dəyərli əsərlər yazmış alimlər haqqında mühüm məlumatlar verilir.

Qeyd edək ki, yeni nəşrin elmi redaktoru akademik Teymur Kərimli, elmi məsləhətçiləri fil.e.d., dosent Aygül Hacıyeva, Arif Ramazanov və Yeganə Rəhnulladır.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.