Azərbaycan Milli Elmlər Akademiyası

Elm və Təhsil Nazirliyinin Dendrologiya İnstitutunun bir qrup elmi əməkdaşlarına Odlar Yurdu Universitetinin Biologiya və Ekologiya kafedrasının tələbə və müəllimləri üçün təşkil etdiyi seminara görə sertifikat verilib.

Odlar Yurdu Universitetinin rəhbərliyinin müvafiq göstərişinə əsasən, ali təhsildə tədrisin keyfiyyətinin yüksəldilməsi, ali təhsil sistemində yeni və fərqli bir mühitin yaradılması, savadlı, bacarıqlı və hazırlıqlı tələbələrin yetişdirilməsi, əmək bazarının artan tələblərinə müvafiq olaraq kadr hazırlığının təmin edilməsi məqsədilə təşkil edilən seminarda iştirak edən əməkdaşlara sertifikat verilib.

Sertifikatı Odlar Yurdu Universitetinin Keyfiyyət təminatı, innovasiyalar və beynəlxalq əlaqələr üzrə prorektoru, professor Fəxrəddin Məmmədov təqdim edib. AR ETN Dendrologiya İnstitutunun alim və mütəxəssisləri tərəfindən, Odlar Yurdu Universitetinin Biologiya və ekologiya kafedrasında Təbiət, texniki və dizayn fakültəsində təhsil alan “İNTELLEKT” qrupunun tələbələri üçün iki ay davam edən təlim təşkil olunmuşdur. Təcrübə sahəsi müxtəlif növ ağac-kol və ot bitkilərinin yetişdirilməsi, introduksiyası, iqlimləşdirilməsi, morfologiyası və digər təcrübələrin aparılması üçün nəzərdə tutulmuşdur. Odlar Yurdu Universitetinin Təbiət və texnologiya fakültəsinin tələbələrinin bu sahədə elmi-tədqiqat işləri davam edir.

Qeyd edək ki, ETN Dendrologiya İnstitutu tərəfindən elmlə təhsilin inteqrasiyası istiqamətində 40-a yaxın yerli və xarici elmi-tədqiqat institutları və ali təhsil ocaqları ilə elmi əməkdaşlıq davam etdirilir.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.