Aprel ayının 2-də AMEA-nın A.A.Bakıxanov adına Tarix və Etnologiya İnstitutunda Azərbaycan Respublikasının Prezidenti İlham Əliyevin “Azərbaycan Milli Elmlər Akademiyasının 80 illiyinin qeyd edilməsi haqqında” Sərəncamından irəli gələn vəzifələr, görülən işlər, aparılan tədqiqatlarla bağlı tədbir keçirilib.
Tədbirdə çıxış edən Tarix və Etnologiya İnstitutunun direktoru tarix elmləri doktoru, professor Kərim Şükürov Sərəncamda əksini tapan müddəalara diqqəti çəkib, tarix və etnologiya sahəsində görülən işlər, qarşıda duran planlar haqqında məlumat verib.
Tədbirdə tarixi-etnoloji tədqiqatlar, nəşr ediləcək məqalə və kitablar, AMEA-nın 80 illiyi, institutun 90 illiyi münasibəti ilə şöbə və institut səviyyəsində təşkil ediləcək tədbirlər, irəli sürülən təkliflərlə bağlı müzakirələr aparılıb, müvafiq tapşırıqlar verilib.
© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.