Azərbaycan Milli Elmlər Akademiyası

AMEA Memarlıq və İncəsənət İnstitutunun İncəsənətin qarşılıqlı əlaqələri şöbəsinin müdiri, AMEA-nın müxbir üzvü sənətşünaslıq doktoru, professor Rəna Məmmədovanın həyat və elmi fəaliyyətinin əsas tarixlərini və alimin 1974-2025- ci illəri əhatə edən biblioqrafiya çapdan çıxıb.

Biblioqrafiya AMEA Rəyasət Heyətinin qərarı ilə əlaqədar nəşr edilib. Biblioqrafiyada 700-dək biblioqrafik vahid yer alıb.

Həmçinin elmi ictimaiyyətə təqdim olunan ikinci nəşr - Rəna Məmmədovanın “Musiqi türkologiyasının metodoloji əsasları” monoqrafiyasında Azərbaycan humanitar elmində musiqi türkologiyası məktəbinin yaradılması əksini tapıb.

Monoqrafiyanın 9 fəslində musiqi türkologiyası məktəbinin formalaşması, etnogenez, musiqi sənətinin təkamülü məsələləri, Azərbaycan və türk musiqi nümunələrinin müqayisəli təhlili verilib.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.