Azərbaycan Milli Elmlər Akademiyası

AMEA-nın akademik M.Nağıyev adına Kataliz və Qeyri-üzvi Kimya İnstitutunda Moskva Dövlət Universitetinin (MDU) Qeyri-üzvi kimya kafedrasının müdiri, professor Andrey Şevelkovun iştirakı ilə elmi seminar keçirilib.

Əvvəlcə AMEA-nın vitse-prezidenti, institutun direktoru, akademik Dilqəm Tağıyev çıxış edərək rəhbərlik etdiyi müəssisə ilə MDU arasındakı mövcud əlaqələrdən danışıb. Qeyd edib ki, iki qurum arasında qeyri-üzvi sintez və materialşünaslıq sahələri üzrə əməkdaşlığın inkişaf etdirilməsi, birgə layihələrin həyata keçirilməsi zəruridir.

Professor A.Şevelkovun qeyri-üzvi kimya sahəsində dünyaca tanınmış alimlərdən olduğunu söyləyən D.Tağıyev alimin əsərlərinə 1600-dən çox istinad olduğunu diqqətə çatdırıb. 

Sonra A.Şevelkov “Dəmirin güclü elektron korrelyasiyalı birləşmələri: yeni dəmir dövrünə doğru” mövzusunda məruzə ilə çıxış edib. 

Məruzə seminar iştirakçıları tərəfindən maraqla qarşılanıb və müzakirələr aparılıb.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.