AMEA Folklor İnstitutunun Aşıq yaradıcılığı şöbəsinin müdiri, fil.ü.f.d. Elxan Məmmədlinin “Şair Nəbi Borçalı: həyatı, mühiti, sənəti” kitabı çapdan çıxıb.
Kitab XIX əsrin sonu, XX əsrin birinci yarısında yaşayıb-yaratmış el şairi Nəbi Borçalının həyat və yaradıcılığına həsr edilib.
Tədqiqat işində əsasən ölməz sənətkarın vətən, təbiət, məhəbbət, tərbiyəvi-didaktik, dini-ürfani şeirləri təhlilə cəlb edilib. Kitabda həm də şair Nəbinin deyişmə və dastan yaradıcılığından bəhs olunur.
Kitabın redaktoru prof. Mahmud Allahmanlı, rəyçiləri xalq şairləri Nəriman Həsənzadə və Zəlimxan Yaqubdur.
© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.