Azərbaycan Milli Elmlər Akademiyası

AMEA-nın Dendrologiya İnstitutunda  27 mart - Elm gününə həsr olunmuş seminar keçirilib.

Tədbiri giriş sözü ilə açan Dendrologiya İnstitutunun baş direktoru, AMEA-nın müxbir üzvü,Tofiq Məmmədov Azərbaycan Milli Elmlər Akademiyasının ölkədə elmin inkişaf etdirilməsinin müstəsna rolundan danışıb. Alim ölkə başçısının Azərbaycan elminə göstərdiyi diqqət və qayğıyla yanaşı, həm də onun elm amilinin ölkədə hərəkətverici qüvvəyə çevrilməsi istiqamətində həyata keçirdiyi məqsədyönlü dövlət siyasətinin tərkib hissəsi olduğunu vurğulayıb. Ümummilli lider Heydər Əliyevin Azərbaycanda siyasi hakimiyyətə qayıdışı ilə digər sahələrdə olduğu kimi elmin inkişafında da yeni mərhələnin başlanılmasından, Azərbaycan elminin inkişafına dövlət səviyyəsində göstərilən böyük qayğıdan, həmçinin ölkədə alimlərin və elmin nüfuzunun yüksəlməsindən söhbət açıb.

Sonra institutun icraçı direktoru, biologiya üzrə fəlsəfə doktoru Samirə Bağırova, Ekologiya laboratoriyasının müdiri, biologiya üzrə fəlsəfə doktoru Hüseynağa Əsədov və Gənc Alim və Mütəxəssislər Şurasının sədri Aydan Rasulova məruzə ilə çıxış ediblər. 

Tədbirin sonunda Elm günü münasibətilə institutun uzun illər elmi fəaliyyətində göstərdikləri əməyə görə, bir neçə əməkdaş Fəxri fərmanla təltif edilib.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.