Azərbaycan Milli Elmlər Akademiyası

AMEA-nın Folklor İnstitutunda Elm günü ilə bağlı “Bu gündən sabaha elm” adlı tədbir keçirilib.

Tədbirdə Folklor İnstitutunun əməkdaşları ilə yanaşı, Sumqayıt Dövlət Universitetinin tələbələri də iştirak ediblər. Tədbiri açan institutun Gənc Alim və Mütəxəssislər Şurasının sədri, f.ü.f.d. Xanım Mirzəyeva bildirib ki, hər il Azərbaycanda qeyd olunan Elm günü elmlə məşğul olan Azərbaycan elmi ictimaiyyətinin bayramıdır. 2018-ci il aprelin 9-da Prezident İlham Əliyev cəmiyyətin inkişafında elmin əhəmiyyətini nəzərə alaraq Azərbaycan Respublikasında Elm gününün təsis edilməsi haqqında Sərəncam imzalayıb. X.Mirzəyeva bildirib ki, bu tarix AMEA-nın təsis olunduğu günə təsadüf olunduğu üçün xüsusi əhəmiyyət daşıyır.

Tədbirdə iştirak edən Sumqayıt Dövlət Universitetinin tələbələri karyeralarının inkişafında təhsillə yanaşı, elmi fəaliyyətin də mühüm rol oynadığını vurğulayıblar.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.