Azərbaycan Milli Elmlər Akademiyası

Azərbaycanın ilk veb saytı (1995)

ANA SƏHİFƏ  >>  XƏBƏRLƏR  >>  NƏŞRLƏR

Professor Məryəm Seyidbəylinin növbəti kitabı işıq üzü görüb
20.06.2024 12:14
  • A-
  • A
  • A+

Professor Məryəm Seyidbəylinin növbəti kitabı işıq üzü görüb

AMEA-nın akademik Z.Bünyadov adına Şərqşünaslıq İnstitutunun Şərq ölkələrinin tarixşünaslığı şöbəsinin müdiri tarix üzrə elmlər doktoru, professor Məryəm Seyidbəylinin “Görkəmli Azərbaycan alimi Nəsirəddin Tusi həyatı və elmi irsi” adlı növbəti monoqrafiyası nəşr olunub.

Monoqrafiya İslam intibahının böyük alimi, dünya elmində və mədəniyyətində mühüm iz qoymuş Azərbaycan alimi Nəsirəddin Tusinin həyat və yaradıcılıq irsinə həsr olunub. Öz kəşfləri və elmi fikirləri ilə astronomiya, riyaziyyat, fəlsəfə, tibb, etika, məntiq, din nəzəriyyəsi, dövlət və hüquq nəzəriyyəsi və digər elm sahələrini daha da zənginləşdirmiş Nəsirəddin Tusinin yaradıcılığına aid nadir əlyazma nüsxələri ilk dəfə olaraq adıçəkilən monoqrafiyada öz əksini tapıb.

Kitabda həm yerli, həm də xarici alimlərin Nəsirəddin Tusinin yaradıcılığına dair tədqiqatları da yer alıb. Kitab oxuculara Azərbaycan və rus dillərində təqdim olunub.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.

  • Paylaş: