Azərbaycan Milli Elmlər Akademiyası

AR Elm və Təhsil Nazirliyinin Botanika İnstitutunun Elmi şurasının növbəti iclası keçirilib.

Tədbirdə institutun rəhbərliyi, şura üzvləri və digər əməkdaşlar iştirak ediblər.

Əvvəlcə xalqımızın Ümummilli Lideri Heydər Əliyevin, Azərbaycanın ərazi bötövlüyü uğrunda canından keçən şəhidlərimizin əziz xatirəsi bir dəqiqəlik sükutla yad edilib, Dövlət Himni səsləndirilib.

İclası müəssisənin baş direktoru professor Səyyarə İbadullayeva açaraq Botanika İnstitutunun yeni binasında keçirilən ilk Elmi şura iclasını tarixi hadisə kimi qiymətləndirib və kollektivə uğurlu fəaliyyət arzulayıb.

Professor gündəlikdə yer alan digər məsələləri tədbir iştirakçılarının diqqətinə çatdırıb.

S.İbadullayeva Ali bitkilərin sistematikası və filogeniyası şöbəsinin müdiri biologiya elmləri doktoru Aydın Əsgərovu professor elmi adı alması münasibətilə təbrik edib, ona möhkəm cansağlığı və elmi fəaliyyətində uğurlar arzu edib.

İclasda institutun şöbə və laboratoriyalarının 2024-cü ilin I yarısı üçün elmi və elmi-təşkilati fəaliyyətinə dair hesabatı  müzakirə olunub. Məruzəçilər tematik plana uyğun olaraq aparılan elmi-tədqiqat, elmi-təşkilati fəaliyyət, beynəlxalq  konfrans və  seminarlarda iştirak, nüfuzlu elmi jurnallarda dərc olunan məqalələr və s. ilə bağlı məlumat verib.

Daha sonra gündəlikdən irəli gələn digər məsələlərə baxılıb, müvafiq qərarlar qəbul edilib.

Sonda professor S.İbadullayeva iclasa yekun vuraraq qarşıda duran əsas vəzifələrin yerinə yetirilməsi istiqamətində müəyyən tapşırıq və tövsiyələrini səsləndirib.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.