Azərbaycan Milli Elmlər Akademiyası

AMEA-nın Rəyasət Heyətinin həftəlik mətbu orqanı olan “Elm” qəzetinin növbəti sayı çapdan çıxıb.

Qəzetin ön səhifəsində “Prezident İlham Əliyev Bakı Olimpiya Stadionunun ərazisində COP29-a hazırlıqla bağlı görülən işlərlə tanış olub” başlıqlı xəbər və Prezident İlham Əliyevin Xaricdə Yaşayan Azərbaycanlı Alimlərin Forumunun iştirakçılarına müraciəti təqdim edilib.

Bugünkü sayda, ilk səhifələrdə 9-11 sentyabrda Bakıda keçirilən Xaricdə Yaşayan Azərbaycanlı Alimlərin Forumu barədə yazılar dərc edilib.

Qəzetdə AMEA prezidenti akademik İsa Həbibbəylinin ölkəmizdə səfərdə olan kərküklü alimlərlə görüşü və təqdimatı keçirilən yeni nəşrlərlə bağlı informasiyalar yer alır.

Bundan əlavə, qəzetin bugünkü buraxılışında Bakıda Ortaq Türk Əlifbası ilə bağlı razılığın əldə edilməsinə dair xəbər və AMEA-nın Naxçıvan Bölməsinin 2024-cü ildə fəaliyyət göstərən arxeoloji ekspedisiyaların yekun hesabatı ilə tanış ola bilərsiniz.

Həmçinin bu sayda “Beynəlxalq elmi əməkdaşlıq”, “Azərbaycan dilçiliyində Məmmədağa Şirəliyev mərhələsi”, “Xətib Təbrizi - Azərbaycan mətnşünaslığının ön sözü” və “Azərbaycan folklorunda insan-təbiət münasibətləri” adlı məqalələr və yubiley yazıları təqdim edilib.

Qəzetin rus və ingilis dili bölməsində AMEA prezidenti akademik İsa Həbibbəylinin iştirak etdiyi tədbirlərə dair icmallar, tanınmış alimlərlə bağlı məqalələr, o cümlədən ötən həftə AMEA-da keçirilən tədbirlərə və son elmi yeniliklərə dair xəbərlər yer alır.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.