Azərbaycan Milli Elmlər Akademiyası

Elm və Təhsil Nazirliyinin akademik Həsən Əliyev adına Coğrafiya İnstitutunun icraçı direktoru c.ü.f.d., dosent Zaur İmrani Gürcüstanın İvan Cavaxişvili adına Tbilisi Dövlət Universiteti və Vakuşti Baqrationi adına Coğrafiya İnstitutunun təşkilatçılığı ilə keçirilən Gürcüstan Coğrafiya Cəmiyyətinin 100 illik yubileyinə həsr olunmuş “Nəzəriyyədən tətbiqi coğrafiyaya - GSG100” beynəlxalq konfransında iştirak edib.

Tədbirin əsas məqsədi gürcü və xarici alimlər arasında təcrübə mübadiləsi yaratmaq, onların beynəlxalq elmi ictimaiyyətə inteqrasiyasını təmin etmək, coğrafiya sahəsində tədqiqatların prioritet istiqamətlərini müəyyən etməklə innovativ istiqamətləri inkişaf etdirmək üçün əməkdaşlığı gücləndirmək olub.

Gürcüstan Coğrafiya Cəmiyyətinin 100 illik yubileyi şərəfinə keçirilən beynəlxalq konfrans dünya coğrafiyaçıları arasında elmi əlaqələrin daha da gücləndirilməsinə xidmət etməklə yanaşı, münsiflər heyəti tərəfindən ən yaxşı poster nominasiyası üzrə qalibləri müəyyən edib, onları mükafatlandırıb.

Konfransın təşkilatçılarından biri kimi Coğrafiya İnstitutunun adından c.ü.f.d., dosent Zaur İmrani “Azərbaycan və Gürcüstan Coğrafiya Cəmiyyətlərinin birgə tədqiqatlarına baxış” mövzusunda əsas məruzəçi (plenar iclasda) kimi çıxış edib. Bu iştirak beynəlxalq akademik əməkdaşlığın möhkəmlənməsinə töhfə verməklə yanaşı, bilik və təcrübə mübadiləsi baxımından böyük əhəmiyyət kəsb edir.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.