Azərbaycan Milli Elmlər Akademiyası

AMEA-nın Rəyasət Heyətinin həftəlik mətbu orqanı olan “Elm” qəzetinin dekabr ayında növbəti sayı çapdan çıxıb.

Qəzetin ön səhifəsində AMEA-nın prezidenti akademik İsa Həbibbəylinin “Heydər Əliyevin akademik heyətlə tarixi görüşü və Akademiyanın status məsələsi” başlıqlı məqaləsi yer alıb.

Bugünkü sayda, AMEA-nın kollektivinin Ümummilli Lider Heydər Əliyevin anım günü münasibətilə məzarını ziyarətinə dair yazı, Rəyasət Heyətində və Akademiyanın elmi müəssisə və təşkilatlarında AMEA rəhbərliyinin iştirakı ilə Ulu Öndərə həsr edilmiş kitabların təqdimat mərasimləri, anım tədbirləri, kitab sərgiləri haqqında informasiyalar təqdim edilib.

“Elm” qəzetinin 13 dekabr nömrəsində akademik İsa Həbibbəylinin iştirakı ilə keçirilən hesabat iclasları və tədbirlər haqqında yazılar, bundan əlavə, Milli Məclisin deputatı, YAP-ın İdarə Heyətinin üzvü, filologiya elmləri doktoru Elnarə Akimovanın “Heydər Əliyev siyasəti – milli məfkurədən milli dövlətə” adlı məqaləsi dərc olunub.

Bundan başqa, qəzetin bugünkü buraxılışında “AMEA Mərkəzi Ellmi Kitabxana 100 yaşı ərəfəsində” və “Gil-təknə abidəsi” başlıqlı məqalələr, yeni elmi nəşrlərə dair informasiyalar təqdim edilib.

Qəzetin rus və ingilis dili bölməsində akademik İsa Həbibbəylinin iştirak etdiyi tədbirlərlə bağlı icmallar, Naxçıvan Muxtar Respublikası Ali Məclisinin deputatı, tarix elmləri doktoru Zeynəb Quliyevanın müəllifi olduğu “Bеликий покровитель наследия” adlı məqalə və son elmi yeniliklərə dair xəbərlər yer alıb.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.