Azərbaycan Milli Elmlər Akademiyası

Elm və Təhsil Nazirliyinin Fizika İnstitutunda Elmi şuranın növbəti iclası keçirilib.

İclası giriş sözü ilə institutun baş direktoru, akademik Arif Həşimov açıb. İlk olaraq gündəlikdə duran məsələlər müzakirə olunub.

Daha sonra A.Həşimov bugünlərdə Gəncədə keçirilmiş akademik Maqsud Əliyevin 100 illik yubileyinə həsr olunan beynəlxalq konfrans haqqında məlumat verib. Bildirib ki, konfransın davamının 2025-ci ilin ilk yarısında Fizika İnstitutunda keçirilməsi planlaşdırılır. O, ezamiyyət çərçivəsində Bitki Mühafizə və Texniki Bitkilər Elmi-Tədqiqat İnstitutunu (BMTBETİ) ziyarət etdiyini, institutun direktoru, professor İbrahim Cəfərovla görüşdüyünü bildirib. Qeyd edib ki, BMTBETİ ilə Fizika İnstitutu arasında əməkdaşlıq müqaviləsi imzalanıb.

Daha sonra Elmi şuranın iclasında 3 monoqrafiya, dissertasiya işi təsdiq olunub.  Sonda dosent elmi adını almaq üçün namizədliyi üçün gizli səsvermə keçirilib və nəticələr təsdiq olunub.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.