Azərbaycan Milli Elmlər Akademiyası

Elm və Təhsil Nazirliyinin akademik H.Əliyev adına Coğrafiya İnstitutunun aparıcı elmi işçisi  t.e.ü.f.d. İsmayıl Zeynalovun Dövlət Aerokosmik Agentliyinin məsləhətçisi f.r.e.d. Hikmət Həsənovla birgə yazdıqları məqalə Amerika Fizika İnstitutunun “Earth sciences and human constructions” (Yer Elmləri və insan fəaliyyəti) jurnalında dərc edilib.

“About possibility to calculate radioactive pollutants taking into account climatic and meteorological peculiarities” (İqlim və meteoroloji xüsusiyyətlər nəzərə alınmaqla radioaktiv çirkləndiricilərin hesablanma imkanları haqqında) adlı məqalə ABŞ-nin Yunanıstanda keçirilən “Environment, Geoscience and Water” konfrans materiallarında  dərc edilib.

Məqalədə müasir dövrdə iqlim dəyişiklikləri və qlobal istiləşmə, çirkləndiricilərin yayılması və ətraf mühitə təsiri ilə bağlı yeni çağırışlar yer alır. Müəlliflər qeyd ediblər ki, zərərli maddələrin mühitə buraxılması insan sağlamlığına və ekosistemlərin tarazlığına ciddi zərər verə bilər. Bu səbəbdən ətraf mühitin qorunması üçün effektiv monitorinq sistemlərinin yaradılması və inkişaf etdirilməsi zəruridir.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.