Azərbaycan Milli Elmlər Akademiyası

AMEA-nın Rəyasət Heyətinin həftəlik mətbu orqanı olan “Elm” qəzetinin növbəti sayı çapdan çıxıb.

Qəzetin ön səhifəsində “Prezident İlham Əliyev Birləşmiş Ərəb Əmirliklərinə işgüzar səfər edib” başlıqlı icmal yer alıb.

Bugünkü sayda, ilk səhifələrdə AMEA prezidenti yanında müşavirəyə dair yazı, Azərbaycan Hava Yollarına məxsus sərnişin təyyarəsinin Qazaxıstanın Aktau şəhəri yaxınlığında qəzaya uğraması ilə əlaqədar Çinin Honkonq Kore Akademiyasının İcra şurasının üzvü professor Li Leinin AMEA-nın prezidenti akademik İsa Həbibbəyliyə başsağlığı məktubu, Nazirlər kabinetinin qərarı və digər yazılar təqdim edilib.

“Elm” qəzetinin 17 yanvar nömrəsində AMEA-nın Yer Elmləri Bölməsinin, eləcə də, Biologiya və Tibb Elmləri Bölməsinin mühüm elmi nəticələrinə dair hesabat yazıları dərc edilib.

Bundan başqa, qəzetin bugünkü buraxılışında AMEA-nın vitse-prezidenti, akademik Z.M.Bünyadov adına Şərqşünaslıq İnstitutunun direktoru akademik Gövhər Baxşəliyevanın “Konstitusiya və Suverenlik İli” Azərbaycanın hərtərəfli inkişafında mühüm mərhələ olacaq” başlıqlı yazısı, 20 Yanvar faciəsinin 35-ci ildönümü ilə bağlı “Tariximizin milli iradə və qəhrəmanlıq səhifəsi” adlı məqalə, həmçinin Naxçıvan və Gəncə bölmələrinin rəyasət heyətlərinin iclasları ilə bağlı informasiyalar verilib.

Qəzetdə AMEA-nın 80 illik yubileyi ərəfəsində görkəmli fizik, “Şöhrət” ordenli, Dövlət mükafatı laureatı, Fizika-Riyaziyyat və Texnika Elmləri Bölməsinin Elmi şurasının sədr müavini, Fizika İnstitutunun Bərk cisim elektronikası laboratoriyasının rəhbəri akademik Cavad Abdinovla müsahibə, AMEA-nın M.Füzuli adına Əlyazmalar İnstitutunun Ərəb əlyazmalarının tədqiqatı şöbəsinin müdiri tekstoloq, filologiya elmləri doktoru, professor Kamandar Şərifovun 85 illik yubileyi münasibətilə məqalə, eləcə də yeni elmi nəşrlərə və digər tədbirlərə dair xəbərlər təqdim olunub.

Qəzetin rus və ingilis dili bölməsində AMEA-nın prezidenti akademik İsa Həbibbəylinin iştirakı ilə keçirilən tədbirlərlə bağlı icmallar, AMEA Fəlsəfə və Sosiologiya İnstitutunun direktoru, professor İlham Məmmədzadənin müəllifi olduğu məqalə, AMEA Arxeologiya və Antropologiya İnstitutunun şöbə müdiri, tarix elmləri doktoru, professor Nəcəf Müseyibli ilə müsahibə və digər xəbərlər yer alıb.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.