Azərbaycan Milli Elmlər Akademiyası

Azərbaycanın ilk veb saytı (1995)

ANA SƏHİFƏ  >>  XƏBƏRLƏR  >>  GÖRÜŞLƏR

03.04.2025 12:24
  • A-
  • A
  • A+

Mərkəzi Elmi Kitabxanada növbəti dəfə “Açıq qapı” günləri keçirilib

Mərkəzi Elmi Kitabxanada növbəti dəfə “Açıq qapı” günləri keçirilib

Azərbaycan Milli Elmlər Akademiyasının Mərkəzi Elmi Kitabxanasında (MEK) hər ayın ilk iki iş günündə təşkil olunan ənənəvi “Açıq qapı” günlərinin budəfəki qonaqları millət vəkili Ceyhun Məmmədov, Gənclərin Səsi Könüllü Platformasının üzvləri, alimlər, tələbələr olub.

MEK-lə tanışlığa Sərgi salonundan başlayan qonaqlar burada Ulu Öndər Heydər Əliyevin və Prezident İlham Əliyevin həyatı və siyasi fəaliyyətlərini əks etdirən nəşrlərdən ibarət guşələrə və ilboyu davam edən “100 yaşlı kitabxana”, “AMEA - 80” adlı, eləcə də “Konstitusiya və Suverenlik İli” çərçivəsində sərgilənən nəşrlərə baxış keçiriblər. Bundan əlavə, kitabxananın Heydər Əliyev və Azərbaycan dövlətçiliyi şöbəsi, Qarabağ müharibəsi qəhrəmanları və Nadir kitablar fondları, Oxu zalları ilə tanış olublar.

Mərkəzi Elmi Kitabxananın Rəqəmsallaşdırma, innovasiya və elektron xidmətlər üzrə direktor müavini tar.ü.f.d. Oruc Quliyev və elmi katib Şəbnəm Rüstəmova onları ətraflı məlumatlandıraraq suallarını cavablandırıblar.

İştirakçılar bu cür tədbirlərin gənclərdə elmə marağın artırılması baxımından xüsusi əhəmiyyət daşıdığını vurğulayıblar.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.

  • Paylaş: