Azərbaycan Milli Elmlər Akademiyası

Xəzər Universitetində Türkçü Düşüncə Birliyinin təşəbbüsü ilə Dördüncü Türkçülük Çalışmaları keçirilib.

Bu dəfə konfranın əsas mövzusu “Tarixdəki Qəhrəmanlarımız və Qurucu Babalarımız” olub.

Konfransda iştirak edən AMEA-nın Fəlsəfə və Sosiologiya İnstitutunun Türk xalqlarının fəlsəfi fikir tarixi və müasir fəlsəfəsi şöbəsinin müdiri fəlsəfə üzrə fəlsəfə doktoru, dosent Faiq Ələkbərli “Cümhuriyyət qurucularına yanaşmalarda müxtəlif dövrlərin şərtləri və ideoloji-siyasi amillər” mövzusunda məruzə edib. Onun sözlərinə görə, Azərbaycan xalqının tarixi şəxsiyyətlərinə, o cümlədən Cümhuriyyət qurucularına münasibətdə radikal yanaşmalar doğru deyil.

Faiq Ələkbərlinin fikrincə, tarixi şəxsiyyətləri, o cümlədən dövlət xadimlərini, tanınmış mütəfəkkirləri tutduqları ideya xəttinə, ya da düşüncələrinə görə təqdir və ya tənqid edərkən ifrata varmaq olmaz. O bildirib ki, bu baxımdan hansı siyasi ideoloji mövqe tutmasından aslı olmayaraq dövlət xadimlərinə və mütəfəkkirlərinə həssaslıqla yanaşmaq, ancaq prinsip etibarilə milli yolu (türkçülük) tutanlara əsaslanmaq lazımdır.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.