Azərbaycan Milli Elmlər Akademiyası

AMEA-nın Botanika İnstitutunun elmi işlər üzrə direktor müavini, b.ü.e.d., professor Eldar Novruzov və Bitki ehtiyatları şöbəsinin elmi işçisi Aydan Zeynalovanın həmmüəllifi olduğu “Phenolic fingerprint in wild growing pomegranate fruits from Azerbaijan” adlı məqalə İtaliyanın nüfuzlu  “Advances in Horticultural Science” jurnalında nəşr olunub.         

Sözügedən məqalə  İtaliya Milli Tədqiqat Şurasının Florensiya bölməsinin Davamlı Bitki Mühafizəsi İnstitutunun (CNR-IPSP) alimləri ilə müştərək tədqiqatlar çərçivəsində yabanı nar bitkisidən alınan şirənin tərkibindəki bioloji fəal maddələrin kəmiyyət və keyfiyyət tərkibinin araşdırılmasına həsr olunub.

Məqalənin nəticələri göstərir ki, Azərbaycanda bitən yabanı nar nümunələri bioloji aktiv metabolitlərin perspektivli mənbəyidir və  stress şəraitində seleksiya proqramlarında yüksək qida və tibbi xüsusiyyətlərə malik yeni sortlarının yaradılmasında donor kimi istifadə edilə bilər.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.