Azərbaycan Milli Elmlər Akademiyası

AMEA-nın Genetik Ehtiyatlar İnstitutunun alimləri - b.ü.f.d. Ayaz Məmmədov və  b.ü.f.d. Vəli Qarayev 13-14 sentyabr tarixlərində Qida Təhlükəsizliyi üzrə İslam Təşkilatının (https://iofs.org.kz/) “Qida təhlükəsizliyinin təmin edilməsində və heyvandarlıq məhsullarının istehsalının təkmilləşdirilməsində heyvan genetik ehtiyatlarının rolu” mövzusunda təşkil etdiyi onlayn beynəlxalq seminarda iştirak ediblər. Tədbirdə A.Məmmədov “Azərbaycanın kənd təsərrüfatı heyvanlarının genetik ehtiyatları” mövzusunda məruzə ilə çıxış edib. 

Seminarın keçirilməsində məqsəd İslam Təşkilatına üzv ölkələrdə heyvanların genetik ehtiyatlarının idarə edilməsi və mövcud vəziyyətin qiymətləndirilməsi olub.

Tədbirdə, həmçinin üzv ölkələri arasında heyvan genetik ehtiyatları üzrə təcrübə mübadiləsinin və layihələrin həyata keçirilməsi üzrə birgə tədqiqatların aparılması qərara alınıb.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.