Azərbaycan Milli Elmlər Akademiyası

Beynəlxalq “Alaş” Ədəbiyyat Mükafatı laureatı, şair-publisist Əkbər Qoşalı AMEA-nın Mərkəzi Elmi Kitabxanasına (MEK) tanınmış tatar şair və yazıçılarının əsərlərini hədiyyə edib.

Nəşrlər arasında tatar siyasətçi Fatih Sibaqatullinin müəllifi olduğu “Какой бог правильный?”, “От Атиллы до Президента”, “Татары и евреи” və başqa əsərləri, yazıçı-fantast Adler Timerqalinin ikicildliyi, Tatarıstan Xalq şairi, publisist, ədəbi tənqidçi, ictimai xadim və tərcüməçi Abdulla Tuqay haqqında “Габдулла Тукай: энциклопедия”, şərqşünas alim, arxeoloq Lev Qumlyov haqqında “Лев Никола́евич Гумилёв энциклопедия” yer alır.

Təqdim olunan kitablarda tatar xalqının tarixi keçmişi, mədəniyyəti, adət-ənənələri, mətbəxi haqqında qiymətli məlumatlar öz əksini tapır.

MEK-in fondlarında saxlanılan bu nəşrlər tatar mədəni irsini araşdıran alim, mütəxəssis və tələbələrə faydalı olacaqdır.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.