Azərbaycan Milli Elmlər Akademiyası

AMEA-nın nəzdində Respublika Seysmoloji Xidmət Mərkəzinin (RSXM) Yer elmləri seksiyasının növbəti iclası keçirilib.

İclasda RSXM-nin 2023-cü ilin birinci rübü üzrə aparılmış elmi-tədqiqat işləri haqqında müzakirələr aparılıb.

Seminarda sözügedən mərkəzin baş direktoru, AMEA-nın müxbir üzvü Qurban Yetirmişli, icraçı direktoru, texnika üzrə fəlsəfə doktoru, dosent Rauf Muradov və mərkəzin müvafiq şöbələrinin rəhbərləri iştirak ediblər.

Tədbirdə Seysmoloji Xidmət Mərkəzinin Zəlzələ ocaqlarının dinamikası şöbəsinin müdiri geologiya-mineralogiya üzrə fəlsəfə doktoru, dosent Səbinə Kazımova “Azərbaycan ərazisinin, o cümlədən işğaldan azad edilmiş ərazilərin seysmikliyinin və seysmotektonikasının tədqiqi (2021-2025)” və “Paleoseysmoloji məlumatlara əsasən Böyük Qafqazda tarixi zəlzələlərin episentral zonalarının müəyyən edilməsi (2023-2024)”, Maqnitometriya şöbəsinin müdiri vəzifəsini icra edən Nadirşah Xanbabayev “Azərbaycan ərazisinin kompleks geofiziki tədqiqatları (2021-2025)”, Geodinamika şöbəsinin müdiri, geologiya-mineralogiya üzrə fəlsəfə doktoru, dosent İlyas Kazımov “Şərqi Aralıq dənizi, Qafqaz regionunun (o cümlədən Qarabağ ərazisinin) müasir geodinamikası (2021-2025)”, Makroseysmik tədqiqatlar şöbəsinin müdiri, geologiya-mineralogiya üzrə fəlsəfə doktoru, dosent Etibar Qaravəliyev “Abşeron yarımadası ərazisində seysmik təhlükəni şərtləndirən amillərin tədqiqi (2021-2024)”, Kompleks geokimyəvi tədqiqatlar şöbəsinin elmi işçisi Aybəniz Kərəmova “Flüidohidrogeokimyəvi sahələrdə anomaliyaların müasir geodinamikada rolu (2023-2024)” mövzularında məruzələrlə çıxış ediblər.

İclas təqdim olunan məruzələr ətrafında müzakirələrlə başa çatıb.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.