Azərbaycan Milli Elmlər Akademiyası

Elm və Təhsil Nazirliyinin Mikrobiologiya İnstitutunda 20 Yanvar faciəsinin 35-ci ildönümü ilə əlaqədar anım tədbiri keçirilib.

Tədbir ölkəmizin müstəqilliyi uğrunda canlarından keçmiş şəhidlərimizin əziz xatirəsinin bir dəqiqəlik sükutla yad edilməsi ilə başlayıb.

Tədbirdə institututn baş direktoru, AMEA-nın müxbir üzvü Pənah Muradov çıxış edərək 20 Yanvar hadisələrinə gətirib çıxaran ictimai-siyasi proseslər, sovet imperiyasının Azərbaycan xalqının haqq səsini boğmaq məqsədilə Bakıda və ölkəmizin digər bölgələrində hərbi cinayət törətməsi, bu faciənin ölkəmizin müstəqilliyinə gedən yolda dönüş nöqtəsinə çevrilməsi barədə ətraflı məlumat verib. Azərbaycanın suverenliyinin və ərazi bütövlüyünün tam bərpa olunması ilə 20 Yanvar şəhidlərinin ruhunun şad olduğu vurğulanıb.

Anım tədbiri 20 Yanvar faciəsindən bəhs edən videoçarxın nümayiş olunması ilə başa çatıb.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.