Azərbaycan Milli Elmlər Akademiyası

Avropa Komissiyasının dəstəyi ilə yerinə yetirilən Horizon-MSCA-İNNMEDSCAN qrantı üzrə Çexiyanın Qərbi Bohemia Universitetinin Elektronika mühəndisliyi və informasiya texnologiyaları fakültəsinin mütəxəssisləri Elm və Təhsil Nazirliyinin Radiasiya Problemləri İnstitutunda ezamiyyətdə olublar.

Ezamiyyətin əsas məqsədi qrant layihəsinin 1-ci iş paketi üzrə elektronik dövrələrin hazırlanması və hazırlanan elektronik dövrələrin gələcəkdə Radiasiya Problemləri İnstitutunun və Rəqəmsal İnkişaf Agentliyinin yüksək aktivlikli Co-60 mənbələrindən istifadə edərək qamma şüalara qarşı radiasiya davamlılığının tədqiq edilməsi istiqamətində geniş müzakirələr aparmaqdır. Qərbi Bohemia Universitetinin qrup rəhbəri Dr. Ondrej Urban tərəfindən Radiasiya Problemləri İnstitutunda elektronik dövrələrin yüksək radiasiya fonunda tədqiq edilməsinə həsr edilmiş seminar keçirilib. Seminarda Radiasiya Problemləri İnstitutunun, Rəqəmsal İnkişaf Agentliyinin və Fizika İnstitutunun əməkdaşları iştirak ediblər.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.