Azərbaycan Milli Elmlər Akademiyası

Elm və Ali Təhsil üzrə Dövlət Agentliyinin təşkilatçılığı ilə Azərbaycan Dövlət Neft və Sənaye Universitetində “Elsevier” şirkətinin nümayəndəsi Saide Sak tərəfindən təlim keçirilib.

Təlimdə Azərbaycan Respublikası Elm və Təhsil Nazirliyinin Dendenrologiya İnstitutunun əməkdaşları iştirak edib.

Təlimdə Data əsaslı qərar qəbuletmə üçün “Scopus” elmmetrik bazasından istifadə, “Scopus” elmmetrik bazasına giriş - Tədqiqatçılar və universitetlər üçün üstünlükləri,  Effektiv ədəbiyyat icmalı üçün əsas axtarış strategiyaları, Yeni tədqiqat sahələri və jurnalları müəyyən etmək üçün istinad və nəşr tendensiyalarının təhlili, Müəllif profilinin idarə edilməsi, “ScienceDirect” bazasından səmərəli istifadə və beynəlxalq elmi jurnallarda elmi işlərə uyğun düzgün məqalələrin tapılması mövzuları üzrə zəruri məlumatlar diqqətə çatdırılıb. 

Üç gün davam edəcək təlimin əsas məqsədi iştirakçılara dünyanın ən böyük elmmetrik bazaları olan “Scopus” və “ScienceDirect”dən istifadə qaydaları barədə zəruri məlumatların çatdırılmasıdır.

Sonda mövzu ilə bağlı təlim iştirakçılarını maraqlandıran suallar cavablandırılıb.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.