Azərbaycan Milli Elmlər Akademiyası

Elm və Təhsil Nazirliyinin akademik H.Əliyev adına Coğrafiya İnstitutunun Həmkarlar Təşkilatı 8 Mart Beynəlxalq Qadınlar Günü münasibətilə tədbir keçirib.

İnstitutun baş direktoru professor Zakir Eminov çıxış edərək qadınların cəmiyyətdə və ailədə  tutduqları  mövqeyindən söhbət açıb. Bildirilib ki, Azərbaycan qadını ailəsində fədakar ana, vəfalı ömür-gün yoldaşı, işgüzar ev xanımı, cəmiyyətdə isə öz yerini tutmuş  bacarıqlı iş adamı, siyasətçi, gözəl mütəxəssis və ya ictimai xadimdir. Qadınları həyatımızın bəzəyi adlandıran müəssisə rəhbəri institutun qadın əməkdaşlarını təbrik edərək onlara cansağlığı, işlərində uğurlar arzu edib.

Təbriklərə qoşulan institutun Həmkarlar Təşkilatının sədri Kamran Ramazanlı, direktor müavini dosent Zaur İmrani, kadrlar şöbəsinin müdiri Rəsul İsmayılov, Qadınlar Şurasının sədri Solmaz Rzayeva, böyük elmi işçi Luiza Salayeva və başqaları çıxış edərək institut qadınlarının uğurlarından, rəhbərliyin onlara göstərdikləri diqqət və qayğıdan söhbət açıblar.

Tədbirin  sonunda  qadın əməkdaşlara bayram hədiyyəsi təqdim olunub.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.