Azərbaycan Milli Elmlər Akademiyası

Mərdəkan Mədəniyyət Sarayında “Yaşıl dünya naminə həmrəylik ili” çərçivəsində “Yaşıl dünyanın mühafizəsində mədəniyyətin rolu” adlı tədbir keçirilib.

Tədbir Mərdəkan Mədəniyyət Sarayı, 8 nömrəli Uşaq-Gənclər İnkişaf Mərkəzi, Xəzər rayon Gənclər və İdman İdrarəsi və Elm və Təhsil Nazirliyinin Dendrologiya İnstitutu ilə birgə təşkil olunub.

Öncə 8 nömrəli Uşaq-Gənclər İnkişaf Mərkəzinin dərnək rəhbərləri olan Əfsanə Əzizova və Mehriban Əliyevanın tələbələrinin və Mərdəkan Mədəniyyət Sarayının rəsm kursunun rəhbəri Humay Sultanovanın tələbələrinin “Yaşıl dünya naminə həmrəylik ili”nə həsr olunmuş rəsm sərgisinə baxış keçirilib. Sonra “Qlobal iqlim dəyişikliyi”nə həsr olunmuş videoçarx nümayiş olunub.

Sarayın təşkilatçısı Kübarə Rəcəbova çıxış edərək “Yaşıl dünyanın mühafizəsində mədəniyyətin rolu” adlı tədbiri açıq elan edib.

Daha sonra Mərdəkan Mədəniyyət Sarayının direktoru Cavid Şahbazbəyov qonaqları salamlayaraq qeyd edib ki, Azərbaycanın COP29-a ev sahibliyi etməsi və beynəlxalq ictimaiyyətdən dəstək alması bir daha ölkəmizə olan hörmət və etimadın göstəricisidir.

Xəzər rayon Gənclər və İdman İdarəsinin rəhbəri Gündüz Vəliyev, 8 nömrəli Uşaq-Gənclər İnkişaf Mərkəzinin direktroru Təranə Aslanova, Elm və Təhsil Nazirliyinin Dendrologiya İnstitunun baş direktoru v.i.e., dosent Minarə Həsənova, Bitki mühafizəsi laboratoriyasının müdiri dosent Şaməddin Qəhrəmanov, Bəzək memarlığı laboratoriyasının müdiri, dosent Şəlalə Gülməmmədova, Ağac-kolların introduksiyası və iqlimləşdirilməsi laboratoriyasının müdiri dosent Mehriban Qafarova, Ağac-kolların introduksiyası və iqlimləşdirilməsi laboratoriyasının aparıcı elmi işçisi ilin alimi Elnarə Salahova və İctimaiyyətlə əlaqələr şöbəsinin müdiri Tünzalə Arazlı tədbirlə əlaqəli geniş məlumatla çıxış ediblər.   

Sonda Xəzər rayon Gənclər və İdman İdarəsi tədbir iştirakçılarını və sərgidə fəal iştirak edən uşaqları diplom və təşəkkürnamələrlə təltif ediblər.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.