Azərbaycan Milli Elmlər Akademiyası

AMEA-nın Rəyasət Heyətinin həftəlik mətbu orqanı olan “Elm” qəzetinin növbəti sayı çapdan çıxıb.

Qəzetin ön səhifəsində Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) Liderlər Sammitinin açılış mərasiminə dair icmal yer alıb.

Bundan əlavə, AMEA-nın prezidenti akademik İsa Həbibbəylinin COP29 çərçivəsində elm xadimləri ilə keçirdiyi görüşlər, iştirak etdiyi tədbirlər, çıxışları, həmçinin AMEA-da COP29 ilə bağlı baş tutan konfranslar, seminarlar, sərgilər barədə məlumatlar təqdim olunur.

Həmçinin akademik İsa Həbibbəylinin “Qarabağ zəfərinin dərsləri”, akademik İradə Hüseynovanın “Azərbaycan tarixinin ən möhtəşəm dövrlərindən birini yaşamaqdadır”, o cümlədən “Milli Dirçəliş Günü Azərbaycanın müstəqilliyinin bərpa edilməsində tarixi rol oynayıb” sərlövhəli məqalələr, eləcə də AMEA-nın akademik-katibi akademik Arif Həşimovla müsahibə, yeni nəşrlərlə bağlı informasiyalar dərc edilib.

Qəzetin rus və ingilis dili bölməsində son elmi yeniliklərə dair informasiyalar yer alıb.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.