Azərbaycan Milli Elmlər Akademiyası

AMEA-nın Naxçıvan Bölməsi İncəsənət, Dil və Ədəbiyyat İnstitutunun direktoru müxbir üzv Əbülfəz Quliyevin və AMEA-nın Nəsimi adına Dilçilik İnstitutunun Terminologiya şöbəsinin müdiri professor Sayalı Sadıqovanın həmmüəllifliyi ilə “Naxçıvan dilçilik məktəbi” kitabı nəşr olunub.

Əsər  akademik Möhsün Nağısoylunun elmi redaktorluğu və bir sıra tanınmış alimlərin rəyləri əsasında nəşr edilib.

Naxçıvan Muxtar Respublikasının 100 illik yubileyinə həsr olunan bu  kitabda  Azərbaycan dilçiliyinə böyük töhfələr verən Naxçıvan dilçilik məktəbinin tarixi və alimləri haqqında geniş məlumat verilib. Naxçıvanda yetişən alim­lə­rin Azər­bay­can di­li­nin ta­ri­xi­ni, qə­dim abi­də­lə­ri­ni, müasir ədəbi dilini, el­mi ir­si­ni və ta­ri­xi qay­naq­larını təd­qiq edib üzə çıxarıl­masın­da, bey­nəl­xalq sə­viy­yə­də tanın­masın­da, elə­cə də dünya dil­çi­li­yin­də aparıcı yer tu­tan ye­ni sa­hə­lə­rin təd­qi­qin­də mühüm ro­lu vardır.

Əsərdə Azərbaycan dilçiliyinin müxtəlif istiqamətlərində tədqiqat aparan Naxçıvan dilçilərinin həyat və yaradıcılığı, eləcə də dilçilik elminin inkişaf istiqamətləri ilə bağlı tədqiqatları ətraflı şəkildə təqdim olunub.  

Bu dəyərli əsər tələbələr, müəllimlər və tədqiqatçılar üçün əvəzsiz bir mənbədir.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.