Azərbaycan Milli Elmlər Akademiyası

AMEA-nın Nizami Gəncəvi adına Ədəbiyyat İnstitutunda 20 Yanvar faciəsinin 35-ci il dönümünə  həsr olunmuş tədbir keçirilib.

Tədbirdə institutun elmi katibi filologiya üzrə fəlsəfə doktoru Aygün Bağırlı, Təhsil şöbəsinin müdiri filologiya üzrə fəlsəfə doktoru Günay Qarayeva, Ədəbiyyat İnstitutunun Gənc Alim və Mütəxəssislər Şurasının sədri, filologiya üzrə fəlsəfə doktoru Şəfa Əliyeva, doktorant və dissertantlar iştirak ediblər.

Tədbirdə Ədəbiyyat İnstitutunun XX əsr (sovet dövrü) Azərbaycan ədəbiyyatı şöbəsinin müdiri, filologiya elmləri doktoru, professor Asif Rüstəmli “Repressiya və ədəbiyyat” mövzusunda məruzə ilə çıxış edib. Həmçinin 20 Yanvar faciəsinin mahiyyəti, səbəbləri və nəticələri haqqında gənclərə məlumat verib.

70 illik Sovet rejiminin azərbaycanlılara qarşı törətdiyi repressiyaların ədəbiyyatımızdakı izləri haqqında mənbələrə və faktlara əsaslanan fikirlər səsləndirib. Gənc tədqiqatçıların mövzu ilə bağlı suallarını cavablandırıb.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.